नवी दिल्ली: देशाच्या राजकारणाची राजधानी असलेल्या दिल्लीत सध्या उच्च राजकीय तापमान अनुभवले जात आहे. संसदेचं हिवाळी अधिवेशन सुरू असतानाच, महाराष्ट्राचे माजी मुख्यमंत्री पृथ्वीराज चव्हाण यांनी १९ डिसेंबरच्या ‘राजकीय भूकंपा’ची आणि ‘मराठी माणूस पंतप्रधान’ होण्याच्या भाकिताची घोषणा केल्याने राजकीय वर्तुळात खळबळ माजली आहे.
चव्हाण यांच्या या वक्तव्यामुळे अनेकांच्या भुवया उंचावल्या असतानाच, सत्ताधारी भाजपच्या गोटात लक्षवेधी हालचालींना वेग आला आहे. भाजपने तातडीने मोठा निर्णय घेत आपल्या सर्व खासदारांसाठी व्हिप (Whipped) जारी केला आहे.
व्हिप का जारी केला?
भाजपने आपल्या सर्व खासदारांना आज (१५ डिसेंबर) पासून १९ डिसेंबरपर्यंत संसदेच्या दोन्ही सदनांमध्ये उपस्थित राहणे अनिवार्य केले आहे.
अधिकृत कारण: अधिवेशनाचा अंतिम टप्पा असल्याने, पुढील चार दिवसांत ‘महत्त्वाची आणि धोरणात्मक विधेयकं’ सभागृहात मांडली जाणार आहेत. यात खासगी क्षेत्रासाठी अणुऊर्जा क्षेत्रात गुंतवणुकीचा मार्ग मोकळा करणारे ‘अणु ऊर्जा विधेयक’ सर्वात महत्त्वाचे मानले जात आहे.
राजकीय कारण: गेल्या काही दिवसांपासून संसदेत सत्ताधारी आणि विरोधकांमध्ये वंदे मातरम्, निवडणूक सुधारणा आणि काँग्रेसच्या रॅलीतील वक्तव्यावरून जोरदार वाकयुद्ध आणि गोंधळ सुरू आहे. या गदारोळात महत्त्वाच्या विधेयकांना विरोधकांच्या अनुपस्थितीत किंवा कमी मतांमुळे धक्का बसू नये यासाठी भाजपने कोणतीही जोखीम न घेता व्हिप जारी केल्याचे मानले जात आहे.
‘भूभागा’चं खरं कारण काय?
हा व्हिप जारी करण्याची वेळ नेमकी पृथ्वीराज चव्हाण यांच्या ‘१९ डिसेंबर’च्या भाकिताशी जुळून आल्याने राजकीय तर्क-वितर्कांना उधाण आले आहे. चव्हाण यांच्या ‘राजकीय भूकंपा’च्या भविष्यवाणीच्या काळातच भाजपने सर्व खासदारांना उपस्थित राहण्याचे बंधन घातल्याने, यामागे केवळ विधेयकेच कारण आहेत की, त्याहून मोठे ‘भूभागा’चे कारण दडलेले आहे, यावर चर्चा सुरू झाली आहे.
पुढचे ४ दिवस राजधानी दिल्लीत होणाऱ्या प्रत्येक हालचालींवर देशातील नागरिकांचे आणि राजकारण्यांचे लक्ष लागून राहिले आहे.